Diary of June
ഡയറി ഓഫ് ജൂണ്‍ (2005)

ഒരേ സ്കൂളിൽ നിന്നുള്ള രണ്ട് ആൺകുട്ടികൾ കൊല്ലപ്പെടുന്നു. അവരുടെ വയറിനുള്ളില്‍ അടുത്തതായി കൊല്ലപ്പെടുന്ന ഇരകളെക്കുറിച്ച് വിവരിക്കുന്ന ഒരു ഡയറിയിൽ നിന്നുള്ള തുണ്ടുകളടങ്ങുന്ന ക്യാപ്സൂളുണ്ട്. കൊലപാതകി അതേ സ്കൂളിളില്‍ നിന്നുള്ള ആളാണെന്ന സംശയത്തില്‍ ഡിറ്റക്ടീവ് ചു ജേയംഗും (ഷിൻ യൂന്‍-ക്യുങ്), അവളുടെ പങ്കാളി കിം ഡോങ്-വൂക്കും (എറിക് മുൻ) ഡയറിയിലെതിന് സമാനമായ കൈയക്ഷരം കണ്ടെത്താൻ സ്കൂളില്‍ അന്വേഷണം നടത്തുന്നു. അന്വേഷണം കാര്യമായ പുരോഗതിയില്ലാതെ തപ്പിത്തടയുന്നതിനിടയിലും കൊലപാതക പരമ്പര തുടരുന്നു. ഒടുവിൽ അവർ അന്വേഷിച്ച കയ്യക്ഷരം ഒരു മാസം മുൻപ് കാറപകടത്തിൽ മരണമടഞ്ഞ ജിൻ-മോ എന്ന വിദ്യാർഥിയുടേതാണെന്ന് അവര്‍ തിരിച്ചറിയുന്നു. ജിന്‍-മോയ്ക്ക് ഒരു രഹസ്യമുണ്ടെന്ന് അവര്‍ കണ്ടെത്തുന്നതും തുടര്‍ന്നുള്ള അന്വേഷണവുമാണ് ചിത്രത്തിന്‍റെ പ്രമേയം.