എംസോൺ റിലീസ് – 3046
| ഭാഷ | കൊറിയൻ |
| സംവിധാനം | In-ho Hwang |
| പരിഭാഷ | സജിത്ത് ടി. എസ്. |
| ജോണർ | ആക്ഷൻ, ഡ്രാമ, ത്രില്ലർ |
ബുദ്ധിമാന്ദ്യമുള്ള ഒരു പെണ്ണാണ് Bok-Soon. വഴിയോര കച്ചവടം ചെയ്താണ് അവൾ ജീവിക്കുന്നത്. ചെറുപ്പത്തിലേ അമ്മയും അച്ഛനും മരിച്ച അവളെയും അനിയത്തിയെയും മുത്തശ്ശിയാണ് നോക്കിയിരുന്നത്. മുത്തശ്ശി മരിച്ചതോടെ അവളും അനിയത്തിയും ഒറ്റക്കാണ് താമസം.
കമ്പനിയിലെ ഒരു പെണ്ണുമായുള്ള പ്രശ്നത്തിന്, കമ്പനി ഉടമസ്ഥനായ Jeon തന്റെ സഹോദരിയുടെ മകനായ Ik-Sang ന്റെ പക്കൽ കാശ്‌ ഏൽപ്പിച്ച് അവളുടെ പക്കലുള്ള ഫോൺ വാങ്ങിക്കൊണ്ട് വരാൻ ഏൽപ്പിക്കുന്നു. എന്നാൽ ഒരുപാട് കടമുള്ള Ik-Sang, ആ പണം കൊണ്ട് കടം തീർക്കുകയും, ഫോൺ വാങ്ങാൻ അനിയനെ ഏൽപ്പിക്കുകയും ചെയ്യുന്നു. ഒരു സൈക്കോ ആയ അവൻ ആ പെണ്ണിനേയും കൊന്ന് അവളുടെ അനിയത്തിയെ വീട്ടിലേക്ക് കൊണ്ടുവരുന്നു. ജീവൻ വേണമെങ്കിൽ ഓടിപ്പോകാനും, കണ്ടെത്തിയാൽ കൊല്ലുമെന്നും, ആരോടേലും സഹായം ചോദിച്ചാൽ അവരെയും കൊല്ലുമെന്ന് പറഞ്ഞ് ഭീഷണിപ്പെടുത്തുന്നു. ഓടിപ്പോകുന്നതിനിടയിൽ അവൾ കേറിചെല്ലുന്നത് Bok-Soon ന്റെ വീട്ടിലാണ്. പിറ്റേ ദിവസം അവൻ അവളെ കണ്ടെത്തുന്നതും, തുടർന്ന് ഉണ്ടാകുന്ന സംഭവ വികാസങ്ങളുമാണ് ചിത്രത്തിൽ. Hwang In-Ho എഴുതി സംവിധാനം ചെയ്ത് 2014 ൽ പുറത്തിറങ്ങിയ ഈ ആക്ഷൻ ത്രില്ലർ മൂവിയിൽ Kim Go-Eun ആണ് Bok-Soon ന്റെ കഥാപാത്രത്തെ അവതരിപ്പിച്ചിരിക്കുന്നത്.