എംസോൺ റിലീസ് – 3193
| ഭാഷ | കൊറിയൻ |
| സംവിധാനം | You Su-min |
| പരിഭാഷ | സജിത്ത് ടി. എസ്. |
| ജോണർ | ആക്ഷൻ, ഡ്രാമ, ത്രില്ലർ |
ക്ഷമ. അതിന് ഒരു പരിധിയുണ്ട്. ആ പരിധി കഴിഞ്ഞാൽ, നമ്മുടെ ചെയ്തികൾ ഒരു ഭ്രാന്തനെപ്പോലായിരിക്കും. ക്ലാസ്സിലെ മാത്രമല്ല, സ്കൂളിലെത്തന്നെ മികച്ച സ്റ്റുഡന്റാണ് സി-ഉൻ. ആർക്കും ഒരു ശല്യവും ഇല്ലാതെ ദിവസത്തിലെ ഭൂരിഭാഗം സമയവും പഠനത്തിൽ മുഴുകിയിരിക്കുന്ന ഒരുത്തൻ. എന്നാൽ, ക്ലാസ്സിലെ ചിലർ അവനെ നിരന്തരം ഉപദ്രവിച്ചുകൊണ്ടിരിക്കുകയാണ്. പലതവണ പറഞ്ഞു നോക്കിയിട്ടും, അവർ ഉപദ്രവം നിർത്തുന്നില്ല. അവസാനം, അവന്റെ ദൗര്‍ബല്യത്തിലൂടെ അവന്റെ മനസ്സിനെ തകർക്കാൻ അവർ പ്ലാൻ ചെയ്യുന്നു. എന്നാൽ, അവർ അറിഞ്ഞില്ല, അവരവനെ എത്രമാത്രം വിലകുറച്ചാണ് കണ്ടതെന്ന്. ദുർബലനായ സി-ഉൻ, ബുദ്ധി ഉപയോഗിച്ച് അവരെ നേരിടുകയാണ്. അവന്റെ തിരിച്ചടി തീർത്തും അപ്രതീക്ഷിതമായിരുന്നു തുടർന്നുണ്ടാകുന്ന ഓരോ പ്രശ്നങ്ങളും, അൻ സൂ-ഹൊയേയും ഒ ബോം-സോകിനെയും കൂട്ടുകാരായി കിട്ടുന്നതോടെ, അവർ തമ്മിലുള്ള ഫ്രണ്ട്ഷിപ്പിന്റെയും കഥ പറഞ്ഞു കൊണ്ടാണ് സീരീസ് മുന്നോട്ട് പോകുന്നത്.
ബാക്കിയുള്ളതെല്ലാം കണ്ടുതന്നെ അറിയുക. Action-Friendship-Youth genre ൽ, 2022 ൽ ഇറങ്ങിയ ഈ Korean സീരീസ്, വളരെ ചുരുക്കം സമയം കൊണ്ടാണ് Asian Movies and Dramas Rating Site ആയ Mydramalist ൽ Top Rated Drama കളിൽ ആദ്യ 10 ൽ ഇടം പിടിച്ചത്. Seo Pass, Kim Jin Seok എന്നിവരുടെ webtoon ആയ “Weak Hero” യെ ആസ്പദമാക്കിയാണ് ഈ series നിർമിച്ചിരിക്കുന്നത്.