• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

Love You Forever / ലവ് യു ഫോറെവർ (2019)

May 27, 2022 by Vishnu

എംസോൺ റിലീസ് – 3013

പോസ്റ്റർ : ഉണ്ണി ജയേഷ്
ഭാഷമാൻഡറിൻ
സംവിധാനംTingting Yao
പരിഭാഷസജിത്ത് ടി. എസ്.
ജോണർഡ്രാമ, ഫാന്റസി, റൊമാൻസ്

6.5/10

Download

പ്രണയം എന്നത് ഒരു അത്ഭുതമാണ്. യഥാർത്ഥ പ്രണയം ഒരുമിക്കലിന്റെയും വേർപിരിയലിൻെറയും മാത്രമല്ല, ത്യാഗങ്ങളുടേതുമാണ്. ജീവന് തുല്യം സ്നേഹിക്കുന്ന ആളെ എന്ത് വില കൊടുത്തും സംരക്ഷിക്കാനാണ് ശ്രമിക്കുന്നവരുണ്ട്.
ച്യു ച്യാൻ ഒരു മികച്ച ബാലെ നർത്തകിയാണ്. അമേരിക്കയിലേക്ക് പോകാൻ നിൽക്കുന്ന അവളുടെ അടുത്തേക്ക് ഒരു കുടയുമായി ലിൻ എന്ന് പേരുള്ള പ്രായമുള്ള ഒരാൾ വരുന്നു. ഇരുവരും യാത്ര പറഞ്ഞ് പോകാൻ നേരം ലിൻ ബോധം കെട്ട് വീഴുകയും, അവൾ അയാളെ ഹോസ്പിറ്റലിൽ കൊണ്ടുപോവുകയും ചെയ്യുന്നു. ഒറ്റക്ക് താമസിക്കുന്ന അയാളുടെ വീട്ടിലേക്ക് പോയി അയാൾ കഴിക്കുന്ന മരുന്ന് കണ്ടെത്താമോ എന്ന് നേഴ്‌സ് ചോദിച്ചപ്പോ ച്യു ച്യാനിന് മറുത്തൊന്നും പറയാനായില്ല.

അയാളുടെ വീട്ടിൽ എത്തിയപ്പോഴാണ് അയാൾ എഴുതിയ ഒരു പുസ്തകം അവളുടെ കണ്ണിൽ പെടുന്നത്. അവളത് വായിക്കുന്നു.
ഹൈസ്കൂൾ കാലം. കുറച്ച് ഉടായിപ്പും മറ്റുമായി ലിൻ സ്കൂളിൽ വിലസുകയാണ്. അവിടേക്ക് തന്റെ പഴയകാല കളിക്കൂട്ടുകാരി ച്യു ച്യാൻ ട്രാൻസ്ഫറായി വരുന്നു. അവർ വീണ്ടും കൂട്ടാവുന്നു.

അത്രയും വായിച്ചു നിർത്തിയപ്പോഴേക്കും ഫിയാൻസെയുടെ കോൾ വന്നപ്പോൾ അവൾ ബുക്കും കൊണ്ട് പോവുന്നു. അവൾക്ക് ആ പുസ്തകം കൗതുകമായാണ് തോന്നിയത്. കഥയിലെ നായികക്ക് തന്റെ പേര് കൂടാതെ, താൻ ചെയ്തിരുന്ന കാര്യങ്ങളും മറ്റും ആ പുസ്തകത്തിലുണ്ടായിരുന്നു. അവൾ തന്റെ ഫിയാൻസെയും പഴയ ഹൈസ്കൂൾ സുഹൃത്തുമായ വു ഹ്വാങിനോട്‌ ലിനിനെപ്പറ്റി ചോദിക്കുന്നു. എന്നാൽ അങ്ങനെ ഒരാളെ അവന് അറിയുകയേ ഇല്ല.

ആരാണാ ലിൻ? ആർക്കും അറിയാത്ത ലിൻ എന്ന അയാൾക്ക് എങ്ങനെ ച്യു ച്യാനിന്റെ പഴയ കാര്യങ്ങൾ മനസ്സിലായി?
2019 ൽ Tingting Yao യുടെ സംവിധാനത്തിൽ പുറത്തിറങ്ങിയ മനോഹരമായ ഈ Romance, Drama, Fantasy ചിത്രത്തിൽ Lee Hong Chi, Lee Yi Tong എന്നിവരാണ് പ്രധാന കഥാപാത്രങ്ങളായി എത്തുന്നത്.

അഭിപ്രായങ്ങൾ പങ്കുവെക്കാൻ

Filed Under: Drama, Fantasy, Mandarin, Romance Tagged: Sajith TS

Footer

Disclaimer: Msone is a non-profitable initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]