Homestay
ഹോംസ്‌റ്റേ (2018)

“Colourful” എന്ന ജാപ്പനീസ് നോവലിനെ അടിസ്ഥാനമാക്കി 2018ൽ ഇറങ്ങിയ ത്രില്ലർ ഫാന്റസി ജോണറിൽ പെടുന്ന തായ് മൂവിയാണ് ഹോംസ്റ്റേ.

ആത്മഹത്യ ചെയ്ത ‘മിൻ’ എന്ന വിദ്യാർത്ഥിയുടെ ശരീരത്തിലേക്ക് വരുന്ന ഒരു ആത്മാവിലൂടെയാണ് കഥ തുടങ്ങുന്നത്. മിൻ ആത്മഹത്യ ചെയ്തതിനുള്ള കാരണം കണ്ടുപിടിക്കാൻ ‘ഗാർഡിയൻ'(ദൈവം?) ആ ആത്മാവിന് 100 ദിവസം സമയം കൊടുക്കുന്നു. മിന്നിന്റെ ജീവിതത്തിലെ സന്തോഷങ്ങളും സങ്കടങ്ങളും അനുഭവിച്ചുകൊണ്ട്, ആത്മഹത്യയുടെ കാരണം തേടി ആ ആത്മാവ് നടത്തുന്ന 100 ദിവസത്തെ യാത്രയാണ് ഈ സിനിമ.