എംസോൺ റിലീസ് – 2698
| ഭാഷ | ഇംഗ്ലീഷ് |
| സംവിധാനം | John Strickland, Thomas Vincent |
| പരിഭാഷ | രാഹുല്‍ രാജ്, നെവിൻ ജോസ് |
| ജോണർ | ക്രൈം, ഡ്രാമ, ത്രില്ലർ |
2018-ൽ BBC One-ൽ സംപ്രേഷണം ചെയ്ത പോലീസ് ത്രില്ലർ സീരീസാണ് ബോഡിഗാർഡ്. ഗെയിം ഓഫ് ത്രോൺസിലൂടെ ശ്രദ്ധേയനായ റിച്ചാർഡ് മാഡനാണ് പ്രധാനകഥാപാത്രമായ ഡേവിഡ് ബഡ് ആയി എത്തുന്നത്.
ബ്രിട്ടീഷ് ഹോം സെക്രട്ടറി ജൂലിയ മോണ്ടഗ്യൂ ഒരുപാട് എതിർപ്പുകൾ മറികടന്ന് RIPA-18 എന്ന വിവാദബിൽ പാർലമെന്റിൽ അവതരിപ്പിക്കാൻ തയ്യാറെടുക്കുകയാണ്. പൊതുജനത്തിന്റെ സ്വകാര്യതയിൽ കടന്നുകയറുന്നു എന്ന ആരോപണം നേരിടുന്ന RIPA-18 ജൂലിയയുടെ പ്രതിച്ഛായ മോശമാക്കിക്കൊണ്ടിരിക്കുന്ന സാഹചര്യത്തിലാണ് അവരുടെ പ്രിൻസിപ്പൽ പ്രൊട്ടക്ഷൻ ഓഫീസറായി ഡേവിഡ് ചുമതലയേൽക്കുന്നത്.
നിരന്തരം ഉയരുന്ന തീവ്രവാദഭീഷണികൾ ബ്രിട്ടനിലെ ജനജീവിതം ദുർഘടമാക്കിക്കൊണ്ടിരിക്കുന്നു. യുദ്ധത്തോടും ഭീകരവാദത്തോടുമുള്ള ജൂലിയയുടെ സമീപനവുമായി ഒത്തുപോവാൻ മുൻസൈനികനായ ഡേവിഡിന് സാധിക്കുന്നില്ല. ഈ വൈരുധ്യങ്ങൾക്കിടയിലൂടെ അവർ തമ്മിൽ ഉടലെടുക്കുന്ന ബന്ധവും തുടർന്നുണ്ടാവുന്ന അപ്രതീക്ഷിത വഴിത്തിരിവുകളുമാണ് സീരീസിനെ മുന്നോട്ട് നയിക്കുന്നത്.
6 എപ്പിസോഡുകൾ മാത്രമടങ്ങിയ ഒന്നാം സീസൺ, കഴിഞ്ഞ 10 വർഷത്തിനിടെ ഏറ്റവും കൂടുതൽ പേർ കണ്ട BBC ഷോയാണ് (ഫിനാലെ മാത്രം കണ്ടത് 11 മില്യൺ പേർ). തുടക്കം മുതൽ ത്രില്ലടിച്ച് കാണാൻ സാധിക്കുന്ന ബോഡിഗാർഡ് മികച്ച നിരൂപകപ്രശംസയും നേടിയിരുന്നു.