എംസോൺ റിലീസ് – 3374
ക്ലാസിക് ജൂൺ 2024 – 16
![](https://cdn.statically.io/img/malayalamsubtitles.org/wp-content/uploads/2024/06/Beauty-and-the-Beast-1946-726x1024.jpg?quality=100&f=auto)
ഭാഷ | ഫ്രഞ്ച് |
സംവിധാനം | Jean Cocteau & René Clément |
പരിഭാഷ | എല്വിന് ജോണ് പോള് |
ജോണർ | ഡ്രാമ, ഫാന്റസി, റൊമാൻസ് |
1946-ല് പുറത്തിറങ്ങിയ ഒരു ഫ്രഞ്ച് റൊമാന്റിക് ഫാന്റസി ചലച്ചിത്രമാണ് “ല ബെല് എ ല ബെറ്റ്.” “ബ്യൂട്ടി ആന്ഡ് ദ ബീസ്റ്റ്” എന്ന പ്രസിദ്ധമായ ഫ്രഞ്ച് മുത്തശ്ശി കഥയെ ആസ്പദമാക്കി നിര്മ്മിച്ച ചിത്രം സംവിധാനം ചെയ്തിരിക്കുന്നത് ജോന് കോക്ക്റ്റോയാണ്.
ഫ്രാന്സിലെ ഒരു വ്യാപാരിയുടെ മക്കളാണ് ബെല്ലും അവളുടെ സഹോദരങ്ങളും. ഒരിക്കല് വീട്ടിലേക്ക് തിരിച്ച് മടങ്ങുന്ന വേളയില് വ്യാപാരി ഒരു മാന്ത്രിക കോട്ടയില് എത്തുന്നു. ആ കോട്ടയുടെ പൂന്തോട്ടത്തില് നിന്നും ഒരു റോസാപ്പൂ അദ്ദേഹം പറിക്കുന്ന വേളയില് ഒരു രാക്ഷസന് പ്രത്യക്ഷപ്പെട്ട് ഈ പൂവ് പറിച്ചതിന് പകരമായി തന്റെ മക്കളില് ഒരുവളെ ഈ കോട്ടയിലേക്ക് അയക്കണമെന്ന് പറയുന്നു. തിരിച്ച് വീട്ടിലെത്തിയ അച്ഛനില് നിന്നും ഈ കാര്യമറിയുന്ന ബെല് ആരുമറിയാതെ കോട്ടയിലേക്ക് പുറപ്പെടുന്നു.