Predator: Killer of Killers
പ്രഡേറ്റർ: കില്ലർ ഓഫ് കില്ലേഴ്സ് (2025)

പ്രഡേറ്റർ ഫ്രാഞ്ചൈസിലെ എട്ടാമത്തെ സിനിമയാണ് ഡാൻ ട്രാക്റ്റൻബർഗ് സംവിധാനം ചെയ്ത പ്രഡേറ്റർ: കില്ലർ ഓഫ് കില്ലേഴ്സ്.

ചരിത്രത്തിലെ പല കാലഘട്ടങ്ങളിൽ നിന്നുള്ള ഏറ്റവും അപകടകാരികളായ പോരാളികളെ ഒരു അജ്ഞാത ശക്തി ഒരിടത്ത് ഒരുമിപ്പിക്കുന്നു. തന്റെ ശത്രുവിനോട് പ്രതികാരം ചെയ്യാൻ ഇറങ്ങിത്തിരിച്ച ഏർസ എന്ന കരുത്തയായ വൈക്കിങ് രാജ്ഞി, ജപ്പാനിലുള്ള ഒരു സാമൂറായി, രണ്ടാം ലോകമഹായുദ്ധകാലത്തെ ടോറസ് എന്ന അമേരിക്കൻ പൈലറ്റ് എന്നിവരാണ് ആ കൂട്ടത്തിലുള്ളവർ.

തികച്ചും വ്യത്യസ്തമായ സാഹചര്യങ്ങളിൽ ജീവിച്ചിരുന്ന ഇവർ, ഒരു ദിവസം കണ്ണ് തുറക്കുന്നത് ഒരു അന്യഗ്രഹത്തിലാണ്. തങ്ങളെ ആരാണ് എന്തിനാണ് അവിടെ കൊണ്ടുവന്നത്, എന്താണവരുടെ ലക്ഷ്യം എന്നതാണ് സിനിമയുടെ ഇതിവൃത്തം.