Panchayat Season 04
പഞ്ചായത്ത് സീസൺ 04 (2025)

2020-ൽ ആമസോൺ പ്രൈം റിലീസ് ചെയ്ത വെബ് സീരീസാണ് ‘പഞ്ചായത്ത്‘. TVF നമ്മളിലേക്കെത്തിച്ച സീരീസ് കയറിയത് ഓരോ പ്രേക്ഷകരുടെയും ഹൃദയത്തിലേക്കാണ്. ഇന്ത്യയിലെ ഏറ്റവും ജനപ്രിയ വെബ് സീരീസാവാൻ പഞ്ചായത്തിന് വേണ്ടി വന്നത് വെറും ഒരു സീസൺ മാത്രമാണ്. കാരണം, മനസ്സില്ലാമനസ്സോടെ അഭിഷേക് പഞ്ചായത്ത് സെക്രട്ടറിയായി ചാർജ് എടുത്തപ്പോൾ കണ്ടുകൊണ്ടിരിക്കുന്ന നമ്മളും ഫുലേരയിലെത്തിയിരുന്നു. 8 എപ്പിസോഡുകൾക്ക് ശേഷം ആദ്യ സീസൺ അവസാനിച്ചപ്പോൾ നമ്മൾ ഓരോരുത്തരും ആഗ്രഹിച്ചിരുന്നു ഫുലേരയിലേക്ക് ഒന്നുകൂടെ പോവാൻ.

സീസൺ 3 അവസാനിച്ചത് വരാനിരിക്കുന്ന വാശിയേറിയ പഞ്ചായത്ത്‌ ഇലക്ഷന്റെ സൂചന തന്നുകൊണ്ടാണ്. അതുപോലെതന്നെ സീസൺ 4 നമ്മെ കൂട്ടിക്കൊണ്ട് പോവുന്നത് ഫുലേരയിലെ പഞ്ചായത്ത്‌ ഇലക്ഷൻ ചൂടിലേക്കാണ്. ഒപ്പം നമ്മുടെ പ്രിയപ്പെട്ട കഥാപാത്രങ്ങളുടെ ജീവിതത്തിൽ ഉണ്ടാവുന്ന രസകരമായ സംഭവങ്ങളിലേക്കും.
അപ്പൊ എങ്ങനാ, പോവുകയല്ലേ ഒരിക്കൽക്കൂടി ഫുലേരയിലേക്ക്!