എംസോൺ

ലോകസിനിമയുടെ മലയാള ജാലകം

Alien Fest

അന്യഗ്രഹ ജീവൻ! നക്ഷത്രങ്ങളിലേക്ക് നോക്കുന്ന മനുഷ്യരെ ഇത്രത്തോളം ആകർഷിച്ച മറ്റൊരു സങ്കൽപമുണ്ടാകില്ല, പ്രപഞ്ചത്തിൽ നാം തനിച്ചാണെന്ന് വിശ്വസിക്കുന്നവരുണ്ട്. നമ്മുടെയത്രയും ബുദ്ധിവികാസം ഇല്ലാത്തവർ ജോതിർഗോളങ്ങളിൽ എവിടെയോ ജീവിക്കുന്നെന്ന് വിശ്വസിക്കുന്നവരുണ്ട്. അതുമല്ല, സാങ്കേതികവിദ്യയിൽ ഏറെ മുന്നിലുള്ള താരാപഥസമൂഹങ്ങൾ എവിടെയോ ഇരുന്ന് നമ്മെ ശ്രദ്ധയോടെ നിരീക്ഷിക്കുന്നുണ്ടെന്നും കരുതുന്നവരുണ്ട്. അവരുടെ വിശ്വാസപ്രകാരം, ഏലിയനുകൾ രഹസ്യമായി ഭൂമി സന്ദർശിച്ചിട്ടുണ്ടത്രേ. ഗവൺമെന്റുകൾ ഇതറിയുന്നെങ്കിലും സത്യം പുറത്തുവിടുന്നില്ല!

ഏതായാലും, നിരവധി വിചിത്രസംഭവങ്ങളും ചുമതലപ്പെട്ട സ്ഥാനങ്ങളിലിരിക്കുന്നവരുടെ വെളിപ്പെടുത്തലുകളും ഒക്കെയായി 2023നെ ഏലിയനുകളുടെ വർഷം എന്നാണ് രസകരമായി വിശേഷിപ്പിക്കുന്നത്. അവയിൽ പലതും അഭ്യൂഹങ്ങളാണെങ്കിലും ആ കഥകൾ കേൾക്കാനേറെ രസമുള്ളവയാണ്. കേൾക്കുന്നവരെ പിടിച്ചിരുത്തുന്നവയാണ്. അതുകൊണ്ടുതന്നെ അന്യഗ്രഹജീവികളെ വിഷയമാക്കി ലോകസിനിമകളുണ്ടായി. പലതും എംസോണിലൂടെ പ്രേക്ഷകഭാവനയെ അമ്പരപ്പിക്കുകയും ചെയ്തു. അന്യഗ്രഹജീവികളെ കുറിച്ചുള്ള പോസിറ്റീവ് മെസ്സേജ് തരുന്ന അറൈവലും സ്നേഹത്തിന്റെ ഉദാത്തമാതൃകയായ ഇ.റ്റി.യും അവരുടെ കടന്നാക്രമണത്തിന്റെ കഥ പറയുന്ന വാർ ഓഫ് ദ വേൾഡ്സും, ഭീതിയുടെ മുൾമുനയിൽ നിർത്തുന്ന ഏലിയനും, ആകാംഷയുടെ മുൾമുനയിൽ നിർത്തുന്ന അതിൻ്റെ സീക്വലുമൊക്കെ നമ്മൾ മലയാളത്തിൽ ആസ്വദിച്ചപ്പോഴും ആ വിഷയത്തിലെ ചില ക്ലാസിക്കുകള്‍ ഉൾപ്പെടെയുള്ള അനേകം ചിത്രങ്ങള്‍ പരിഭാഷകരെ കാത്ത് മറഞ്ഞുകിടന്നു. കൗതുകരമായ ഇക്കാര്യം ശ്രദ്ധയിൽപ്പെട്ടതോടെ കഴിഞ്ഞ ഏതാനും മാസങ്ങളായി, അവയിൽ ശ്രദ്ധേയമായ ചില ചിത്രങ്ങൾ കോർത്തിണക്കി ഒരു ഫെസ്റ്റ് നടത്തുന്നതിന്റെ പണിപ്പുരയിലായിരുന്നു നമ്മുടെ ഒരു കൂട്ടം പരിഭാഷകർ. എന്നിരുന്നാലും Sci-fiയുടെ തന്നെ ഉപവിഭാഗമായതിനാൽ ആ പ്രത്യേക വിഷയം കൈകാര്യം ചെയ്യുമ്പോൾ സംഭവിക്കാവുന്ന ആവർത്തനവിരസതയ്ക്ക് ഇട നൽകരുതെന്നും നിർബന്ധമുണ്ടായിരുന്നു. ആയതിനാല്‍ ആക്ഷന്‍, ഹൊറർ, കോമഡി, റൊമാൻസ്, ഡ്രാമ തുടങ്ങിയ വ്യത്യസ്ത ജോണറുകൾ Sci-fiൽ സമന്വയിപ്പിച്ച, വേറിട്ട ആസ്വാദനരുചിയുള്ള ഒരു പിടി ചിത്രങ്ങളാണ് പരിഭാഷയ്ക്കായി തിരഞ്ഞെടുത്തത്.

ഇനിയുള്ള രാത്രികളില്‍ തെളിഞ്ഞ ആകാശത്തേക്ക് നോക്കി നിൽക്കുമ്പോൾ കാണുന്ന, എണ്ണമില്ലാത്ത നക്ഷത്രങ്ങളെയും അറ്റമില്ലാത്ത ശൂന്യതയെയും കാണുമ്പോൾ, അറിയാതെ ചിറക് വിരിക്കുന്ന സങ്കൽപങ്ങൾക്ക് മിഴിവേകാൻ എംസോണിൽ അന്യഗ്രഹജീവികൾ വിരുന്നെത്തുന്നു.

Beyond Skyline / ബീയോണ്ട് സ്കൈലൈൻ (2017)

by

എംസോൺ റിലീസ് – 3287 ഏലിയൻ ഫെസ്റ്റ് – 17 ഭാഷ ഇംഗ്ലീഷ് സംവിധാനം Liam O’Donnell പരിഭാഷ ജിതിൻ ജേക്കബ് കോശി ജോണർ ആക്ഷൻ, അഡ്വഞ്ചർ, സയൻസ് ഫിക്ഷൻ 5.3/10 സ്കൈലൈനിലെ സംഭവങ്ങൾ നടന്ന അതേ സമയത്ത്, മറ്റൊരിടത്ത് നടക്കുന്ന… കുറെ മനുഷ്യരുടെ ചെറുത്തുനില്പിന്റെ കഥയാണ് ബിയോണ്ട് സ്കൈലൈൻ. പോലീസ് ഉദ്യോഗസ്ഥനായ മാർക്ക്, മകനൊപ്പം മെട്രോയിൽ യാത്ര ചെയ്യവേ പെട്ടെന്നാണ് പവർ നഷ്ടമായി ട്രെയിൻ ഇടിച്ചുനിന്നത്! വയർലെസ്സും പ്രവർത്തിക്കുന്നില്ല. കർത്ത്യബോധമുണർന്ന മാർക്ക്, ട്രെയിനിലെ യാത്രക്കാരെ നയിച്ചുകൊണ്ട് ടണലിലൂടെ […]

Skyline / സ്കൈലൈൻ (2010)

by

എംസോൺ റിലീസ് – 3286 ഏലിയൻ ഫെസ്റ്റ് – 16 ഭാഷ ഇംഗ്ലീഷ് സംവിധാനം Colin Strause & Greg Strause പരിഭാഷ ജിതിൻ ജേക്കബ് കോശി ജോണർ ആക്ഷൻ, സയൻസ് ഫിക്ഷൻ, ത്രില്ലർ 4.5/10 സുഹൃത്തായ ടെറിയുടെ പിറന്നാൾ ആഘോഷിക്കാൻ കാലിഫോർണിയയിൽ എത്തിയതാണ് ജെറോഡും ഭാര്യ എലൈനും. ഈ വരവില്‍ അവരെ ലോസ് ആഞ്ചലസിലേക്ക് താമസം മാറ്റാൻ സമ്മതിപ്പിക്കണമെന്ന ഉദ്ദേശമുണ്ട് ടെറിയ്ക്ക്. എന്നാൽ എലൈനാകട്ടെ, അവളൊരു അമ്മയാകുന്ന വിവരം ജെറോഡിനോട് അവതരിപ്പിക്കുന്ന ടെൻഷനിലായിരുന്നു. അങ്ങനെ ബർത്ത്ഡേ പാർട്ടിക്കിടെ […]

Brightburn / ബ്രൈറ്റ്ബേൺ (2019)

by

എംസോൺ റിലീസ് – 3285 ഏലിയൻ ഫെസ്റ്റ് – 15 ഭാഷ ഇംഗ്ലീഷ് സംവിധാനം David Yarovesky പരിഭാഷ അനൂപ് അനു ജോണർ ഡ്രാമ, ഹൊറർ, സയൻസ് ഫിക്ഷൻ 6.1/10 2019-ൽ പുറത്തിറങ്ങിയ ഒരു സൂപ്പർഹീറോ ഹൊറർ ചിത്രമാണ് “ബ്രൈറ്റ്ബേൺ.” തനിക്ക് അസാമാന്യ ശക്തിയുണ്ടെന്ന് കണ്ടെത്തുന്ന അന്യഗ്രഹ വംശജനായ ബ്രാൻഡൻ ബ്രെയർ എന്ന  ആൺകുട്ടിയെ ചുറ്റിപ്പറ്റിയാണ് ഈ ചിത്രം പുരോഗമിക്കുന്നത്. ഒരു ദിവസം രാത്രി കുട്ടികളില്ലാതെ വിഷമിച്ചിരുന്ന കൈൽ-ടോറി ദമ്പതികളുടെ വീടിന് സമീപം ഒരു ബഹിരാകാശ പേടകം തകർന്നുവീഴുന്നിടത്താണ് […]

Life / ലൈഫ് (2017)

by

എംസോൺ റിലീസ് – 3284 ഏലിയൻ ഫെസ്റ്റ് – 14 ഭാഷ ഇംഗ്ലീഷ് സംവിധാനം Daniel Espinosa പരിഭാഷ ജിതിൻ ജേക്കബ് കോശി ജോണർ ഹൊറർ, സയൻസ് ഫിക്ഷൻ, ത്രില്ലർ 6.6/10 മനുഷ്യരാശി അന്നൊരു നാഴികക്കല്ല് പിന്നിടുകയായിരുന്നു. ഭൂമിയ്ക്ക് പുറത്തുള്ള ജീവന്റെ അനിഷേധ്യമായ തെളിവ് അവർ കണ്ടെത്തിയിരിക്കുന്നു! സ്ഫോടനാത്മകമായ ഈ കണ്ടെത്തല്‍ നടന്നിരിക്കുന്നത്, നാം ഇന്നുവരെ നിർമ്മിച്ചതിൽ വച്ചേറ്റവും ചിലവേറിയ ഭവനത്തിൽ വച്ചാണ്. ISS അഥവാ അന്താരാഷ്ട്ര ബഹിരാകാശനിലയത്തിൽ വെച്ച്. അന്നേ ദിവസം അതിലെ ആറ് ബഹിരാകാശയാത്രികരുടെ നീണ്ട […]

Save the Green Planet! / സേവ് ദ ഗ്രീൻ പ്ലാനറ്റ്! (2003)

by

എംസോൺ റിലീസ് – 3283 ഏലിയൻ ഫെസ്റ്റ് – 13 ഭാഷ കൊറിയൻ സംവിധാനം Joon-Hwan Jang പരിഭാഷ അരവിന്ദ് കുമാർ ജോണർ കോമഡി, ക്രൈം, സയൻസ് ഫിക്ഷൻ 7.2/10 വളരെയധികം നിരൂപക പ്രശംസ നേടിയിട്ടുള്ള കൊറിയയിലെ ഏറ്റവും മികച്ച സയൻസ് ഫിക്ഷൻ ചിത്രങ്ങളിൽ മുൻപന്തിയിലുള്ള ഒരു കൊറിയൻ മാസ്റ്റർപീസ് ചിത്രമാണ് “സേവ് ദ ഗ്രീൻ പ്ലാനറ്റ്“.കൊറിയൻ സിനിമ ഇൻഡസ്ട്രിയിലെ തന്നെ കൾട്ട് ക്ലാസിക്ക് ചിത്രങ്ങളിൽ ഒന്നായി പരിഗണിക്കപ്പെടുന്ന 2003 ഇൽ പുറത്തിറങ്ങിയ ചിത്രത്തിൻ്റെ റീമേക്ക് അവകാശം അടുത്തിടെ […]

Mars Attacks! / മാഴ്‌സ് അറ്റാക്കസ്! (1996)

by

എംസോൺ റിലീസ് – 3282 ഏലിയൻ ഫെസ്റ്റ് – 12 ഭാഷ ഇംഗ്ലീഷ് സംവിധാനം Tim Burton പരിഭാഷ ജിതിൻ ജേക്കബ് കോശി ജോണർ കോമഡി, സയൻസ് ഫിക്ഷൻ 6.4/10 ഇരുപതാം നൂറ്റാണ്ടിന്റെ അവസാനം. ചൊവ്വയില്‍ നിന്ന് പറന്നുവരുന്ന ഒരു കൂട്ടം പറക്കുംതളികളുടെ ചിത്രങ്ങൾ യുഎസ് ഉപഗ്രഹങ്ങൾ ഒപ്പിയെടുക്കുന്നു. ഞെട്ടിത്തരിച്ച അമേരിക്കന്‍ പ്രസിഡന്റ്, വൈറ്റ് ഹൗസിൽ തന്റെ വിശ്വസ്തരായ ഉപദേശകരുടെ രഹസ്യയോഗം വിളിച്ചുകൂട്ടി. ബുദ്ധിവികാസം പ്രാപിച്ച ജീവികൾ സംസ്കാരസമ്പന്നരും സമാധാനപ്രിയരും ആയിരിക്കുമെന്നും, അതിനാൽ അവരെ മാലയിട്ട് സ്വീകരിക്കണമെന്നും ഒരു […]

Alien vs. Predator / ഏലിയൻ vs. പ്രിഡേറ്റർ (2004)

by

എംസോൺ റിലീസ് – 3281 ഏലിയൻ ഫെസ്റ്റ് – 11 ഭാഷ ഇംഗ്ലീഷ് സംവിധാനം Paul W.S. Anderson പരിഭാഷ ജിതിൻ ജേക്കബ് കോശി ജോണർ ആക്ഷൻ, ഹൊറർ, സയൻസ് ഫിക്ഷൻ 5.7/10 വർഷം 2004. വേലാന്റ് കമ്പനിയുടെ ഉപഗ്രഹം അന്റാർട്ടിക്കയിൽ 2000 അടി താഴ്ചയിൽ പിരമിഡെന്ന് തോന്നിക്കുന്ന ആദിമസംസ്ക്കാരത്തിന്റെ അവശേഷിപ്പ് കണ്ടെത്തുന്നു. ലോകചരിത്രത്തിൽ തന്റെ പേര് എഴുതിച്ചേർക്കണമെന്ന ആഗ്രഹത്തോടെ, വേലാന്റ് കമ്പനിയുടമ കിട്ടാവുന്നതിൽ വച്ചേറ്റവും മികച്ച ഖനനോപകരങ്ങളും വിദഗ്ധരുടെ സംഘവുമായി അന്റാർട്ടിക്കയിലേക്ക് പുറപ്പെടുന്നു. എന്നാൽ അവിടെ കണ്ട […]

The Predator / ദ പ്രിഡേറ്റർ (2018)

by

എംസോൺ റിലീസ് – 3280 ഏലിയൻ ഫെസ്റ്റ് – 10 ഭാഷ ഇംഗ്ലീഷ് സംവിധാനം Shane Black പരിഭാഷ അരുൺ അശോകൻ ജോണർ ആക്ഷൻ, ഹൊറർ, സയൻസ് ഫിക്ഷൻ 5.3/10 പതിവ് വേട്ടയാടൽ വിനോദത്തിൽ നിന്ന് വ്യതിചലിച്ച്, വരാനിരിക്കുന്ന യുദ്ധത്തിന് മനുഷ്യരെ പ്രാപ്തരാക്കാനുള്ള സഹായഹസ്തവുമായിട്ടാണ് ഇത്തവണത്തെ പ്രിഡേറ്ററിന്റെ വരവ്. എന്നാൽ അപ്രതീക്ഷിതമായി അതിന്റെ പേടകം, ക്വിൻ മെക്കന്നയെന്ന പട്ടാളക്കാരന്റെയും കൂട്ടരുടെയും മുന്നിലേക്ക് ഇടിച്ചിറങ്ങുകയാണുണ്ടായത്. പേടകത്തിലെ ഉപകരണങ്ങള്‍ കൈക്കലാക്കിയ മെക്കന്നയുടെ പിന്നാലെയായി ആ പ്രിഡേറ്ററും ഗവണ്മെന്റും. അങ്ങനെ അയാളെ പിടിക്കുമെന്ന […]