എം-സോണ്‍ റിലീസ് – 766
| ഭാഷ | ഇംഗ്ലീഷ് |
| സംവിധാനം | David Lynch |
| പരിഭാഷ | അരുണ്‍ ജോര്‍ജ് ആന്‍റണി , നൗഷാദ് |
| ജോണർ | ഡ്രാമ, മിസ്റ്ററി, ത്രില്ലർ |
1986 ൽ ഇറങ്ങിയ ഡേവിഡ് ലിഞ്ച് സംവിധാനം ചെയ്ത അമേരിക്കൻ ചലചിത്രമാണ് ബ്ലൂ വെൽവറ്റ്. മിസ്റ്ററി, സൈക്കളോജിക്കൽ ത്രില്ലർ, ക്രൈം ഡ്രാമ, നിയോ നോയ്ർ എന്നിങ്ങനെ പല ജേനറുകൾ സംയോജിച്ച ഈ ചിത്രം ആധുനിക സിനിമാ യുഗത്തിലെ ക്ലാസിക്കുകളിലൊന്നായി പരിഗണിക്കപ്പെടുന്നു. അറുപതുകളിലെ ലുമ്പർട്ടൺ എന്ന ചെറു അമേരിക്കൻ പട്ടണത്തിലാണ് കഥനടക്കുന്നത്. ജെഫ്രി ബ്വോമണ്ട് എന്ന കൊളേജ് വിദ്യാർത്ഥിക്ക് തന്റെ വീടിന് സമീപത്ത് നിന്ന് അറുത്ത് മാറ്റപ്പെട്ട നിലയിൽ മനുഷ്യ ചെവി ലഭിക്കുന്നതും തുടർന്നുള്ള അന്വേഷണം സമീപത്ത് താമസിക്കുന്ന ബാറിലെ പാട്ടുകാരിയായ സ്ത്രീയിലേക്ക് എത്തുന്നതും, തുടർന്ന് ജെഫ്രി അവരെക്കുറിച്ച് മനസിലാക്കുന്ന രഹസ്യങ്ങളേയും ചുറ്റിപ്പറ്റിയാണ് ഇതിലെ കഥ വികസിക്കുന്നത്. കയ്ൽ മക്ലഷ്ലാൻ, ഇസബെല്ല റോസെല്ലിനി, ലോറ ഡേൺ, ഡെന്നിസ് ഹോപ്പർ എന്നിവർ പ്രധാന വേഷങ്ങളിൽ വരുന്ന ഈ ചിത്രം ആദ്യ കാഴ്ച്ചയിൽ ഒരു മിസ്റ്ററി ചിത്രം ആണെങ്കിലും സൂക്ഷമ വീക്ഷണത്തിൽ പലവിധ ആശയങ്ങളാൽ രൂപപ്പെടുത്തിയിരിക്കുന്നതാണ് ഇത്. ഒട്ടേറെ ബിംബങ്ങളും അതിൽ നിന്നു വ്യാഖ്യാനിച്ചെടുക്കാവുന്ന പലവിധ ആന്തരികാർത്ഥങ്ങളും ഇതിനെ ഒരു അസാധാരണ ചലചിത്രമാക്കി മാറ്റുന്നു.