എം-സോണ്‍ റിലീസ് – 895
| ഭാഷ | ഫ്രഞ്ച് |
| സംവിധാനം | Simon Lavoie |
| പരിഭാഷ | അനൂപ് പി.സി |
| ജോണർ | ഡ്രാമ |
2017ൽ പുറത്തിറങ്ങിയ ഈ കനേഡിയൻ ചലച്ചിത്രം Marine Johnsan എന്ന നടിയുടെ അഭിനയ മികവുകൊണ്ട് വേറിട്ടു നിൽക്കുന്ന ഒരു മികച്ച ചലച്ചിത്രമാണ്. സോയിസൻസ് കുടുംബത്തെക്കുറിച്ചു നാട്ടുകാർക്ക് അത്ര നല്ല അഭിപ്രായമൊന്നുമില്ല. ആൾക്കാർ തന്റെ വീട്ടുവളപ്പിൽ പ്രവേശിക്കുന്നതിനെ സോയിസൻസ് എതിർത്തിരുന്നു. തന്റെ രണ്ടാമത്തെ മകളെ സോയിസൻസ് ഒരു ആൺകുട്ടിയെപ്പോലെയാണ് വളർത്തിയിരുന്നത്.
മറ്റുള്ളവരുമായി സമ്പർക്കത്തിലേർപ്പെടാൻ അയാൾ തന്റെ മക്കളെ ഒരു വിധത്തിലും അനുവദിച്ചിരുന്നില്ല. എന്നും രാത്രി മദ്യപിച്ചു പുറത്തുപോകുന്ന സോയിസൻസിനെ ഒരു ദിവസം അയാളുടെ രണ്ടാമത്തെ മകൾ പിന്തുടരുന്നു. വളരെ വിചിത്രവും ഭീഭത്സവുമായ ഒരു കാഴ്ചയാണ് അവൾക്ക് പിന്നീടവിടെ കാണാൻ കഴിഞ്ഞത്.
ചില കാരണങ്ങളാൽ സോയിസൻസ് ആത്മഹത്യ ചെയ്യുന്നതോടെ കാര്യങ്ങൾ കുഴഞ്ഞു മറിയുന്നു. അപ്പന്റെ ശവമടക്കിനായി ആൺകുട്ടിയായി മാറ്റപ്പെട്ട ഇളയ മകൾ ഗ്രാമത്തിലേക്ക് പോകാൻ നിർബന്ധിതയാകുന്നു.ആദ്യാവസാനം വരെ സസ്പെൻസ് നിലനിർത്താനുള്ള സംവിധായകന്റെ പരിശ്രമങ്ങൾ ഏറെക്കുറെ വിജയിച്ചിട്ടുണ്ടെന്നു വേണം കരുതാൻ.