എം-സോണ്‍ റിലീസ് – 958
| ഭാഷ | കൊറിയൻ |
| സംവിധാനം | Hong-jin Mo |
| പരിഭാഷ | അനൂപ് പി. സി |
| ജോണർ | ഡ്രാമ, ത്രില്ലർ |
കൊറിയയിൽ നിന്നും വീണ്ടുമൊരു വത്യസ്തമായ പ്രതികാരകഥ. വിവാദപരമായ 7 കൊലപാതകങ്ങളുടെ കുറ്റമാരോപിച്ചു പരമ്പരക്കൊലയാളിയായി ജയിലടക്കപ്പെട്ട കിം ബുമ്മിനെ സാഹചര്യ തെളിവുകളുടെ അഭാവം മൂലം ആകെ ശിക്ഷിക്കുന്നത് ഒരേയൊരു കൊലപാതകത്തിനാണ്.
പക്ഷേ 15 വർഷത്തെ ജയിൽശിക്ഷ കഴിഞ്ഞു കിം പുറത്തിറങ്ങുന്ന ദിവസംമുതൽ കിം ചെയ്ത അതേ രീതിയിലുള്ള കൊലപാതകങ്ങൾ വീണ്ടും അരങ്ങേറുകയാണ്. ഈ കൊലപാതകങ്ങൾക്കെല്ലാം പിന്നിൽ കിം തന്നെയാണോ? അതോ അയാളോട് ശത്രുതയുള്ള മറ്റാരെങ്കിലുമാണോ?
കേസന്വേഷണം ഏറ്റെടുക്കുന്ന ഡിറ്റക്ടീവ് ഡീ യുങിനും കിമ്മിനോട് വ്യക്തിപരമായ പല ശത്രുതകളുമുണ്ട്. ചിത്രത്തിൽ കിം എന്ന പരമ്പരക്കൊലയാളിയായി അഭിനയിച്ച സിയോങ് ഓ കിമ്മിന്റെ അഭിനയം വളരെ മികച്ചതായിരുന്നു. കണ്ടിരിക്കേണ്ട ഒരു മികച്ച കൊറിയൻ ത്രില്ലർ.