എം-സോണ്‍ റിലീസ് – 1375
ത്രില്ലർ ഫെസ്റ്റ് – 10
| ഭാഷ | ഡാനിഷ് |
| സംവിധാനം | Jannik Johansen |
| പരിഭാഷ | അനൂപ് പി. സി |
| ജോണർ | ഡ്രാമ, ത്രില്ലർ |
വികലാംഗയായ തന്റെ സഹോദരി ജൂലി ഇന്റെർനെറ്റിലൂടെ പരിചയപ്പെട്ട ആങ്കർ എന്ന യുവാവിനെ വിവാഹം ചെയ്യാൻ പോവുകയാണെന്ന് കേട്ട് ആശ്ചര്യപ്പെട്ടിരിക്കുകയാണ് കോപ്പൻഹേഗൻ പട്ടണത്തിലെ അറിയപ്പെടുന്ന എഴുത്തുകാരനായ ജേക്കബും ഭാര്യ നീനയും. പക്ഷേ വിവാഹരാത്രി ആഘോഷങ്ങൾ നടന്ന ഹോട്ടലിലെ കുളിമുറിയിൽവച്ചു ജൂലി ആത്മഹത്യ ചെയ്യുന്നു. സംഭവത്തിനുശേഷം ജൂലിയുടെ സാധനങ്ങൾ ഇരുന്ന ബാഗിൽ നിന്നും ജേക്കബിന് സംശയാസ്പദമായ രീതിയിൽ ആങ്കറിന്റെ ചില കുറിപ്പുകൾ ലഭിക്കുന്നു. ഇതിൽ സംശയം തോന്നിയ ജേക്കബ് ആങ്കറിനെ ബന്ധപ്പെടാൻ ശ്രമിച്ചെങ്കിലും അയാളുടെ ഫോൺ ഓഫായിരുന്നു. തന്റെ സഹോദരിയുടെ ആത്മഹത്യക്ക് പിന്നിലെ രഹസ്യം കണ്ടെത്താനായി ജേക്കബ് ആങ്കറിനെ അന്വേഷിച്ച് മെർക്ക് എന്ന ചെറുപട്ടണത്തിലേക്ക് യാത്രയാകുന്നു.